БАЛАБАҚША ЕЛ ИГІЛІГІНЕ БЕРІЛДІ
Жаңа оқу жылы басталғанда Сырдария ауданы, Қалжан ахун ауылындағы жергілікті бюджеттен қайта жаңғыртылған «Гүлдер» балабақшасы салтанатты түрде ашылды, деп хабарлады аудан әкімінің баспасөз қызметі.
Ескі әкімшілік 60 орындық бөбекжайға қайта жаңғыртылған ғимараттың ашылуында аудандық мәслихат хатшысы Б.Маншарипов құттықтау сөз сөйледі.
– Аймақ басшысының қолдауымен әрбір елді-мекенде білім ошақтары мен мектепке дейінгі білім орталықтары бой көтеруде. Осы орайда, бүгін барша ауыл тұрғындары үшін қуанышты күн. Өйткені, ауылдағы бүлдіршіндер үшін балабақша есігін айқара ашты. Бұрын шаруашылық ғимараты, одан кейін ауылдық әкімшілік болған нысан 131,958 млн.теңгеге қайта жаңғыртылып, «Гүлдер» балабақшасына айналды. Осы қуаныштарыңыз құтты болсын, - деген аудандық мәслихат хатшысы құрылыс жұмыстарын жүргізген бас мердігер «Энергия ҚК» ЖШС-не аудан әкімдігі және ауыл тұрғындары атынан алғысын жеткізді. Сонымен қатар, балабақша меңгерушісі Г.Махамбетоваға аудан әкімдігі мен аудандық мәслихат атынан теледидарды сыйлыққа табыс етті.
Ашылу салтанатында көп балалы ана, ардагер-ұстаз Б.Мамаева да құттықтау лебізін жеткізіп, балабақшаның жаңаруына атсалысқан азаматтарға алғысын айтты. Мұнан соң құрметті қонақтар жаңа ғимараттың лентасын қиып, ішін аралап көрді. Бүлдіршіндер өнерлерін көрсетіп, көпшілікті қылықтарымен қуантты.
– Аймақ басшысының қолдауымен әрбір елді-мекенде білім ошақтары мен мектепке дейінгі білім орталықтары бой көтеруде. Осы орайда, бүгін барша ауыл тұрғындары үшін қуанышты күн. Өйткені, ауылдағы бүлдіршіндер үшін балабақша есігін айқара ашты. Бұрын шаруашылық ғимараты, одан кейін ауылдық әкімшілік болған нысан 131,958 млн.теңгеге қайта жаңғыртылып, «Гүлдер» балабақшасына айналды. Осы қуаныштарыңыз құтты болсын, - деген аудандық мәслихат хатшысы құрылыс жұмыстарын жүргізген бас мердігер «Энергия ҚК» ЖШС-не аудан әкімдігі және ауыл тұрғындары атынан алғысын жеткізді. Сонымен қатар, балабақша меңгерушісі Г.Махамбетоваға аудан әкімдігі мен аудандық мәслихат атынан теледидарды сыйлыққа табыс етті.
Ашылу салтанатында көп балалы ана, ардагер-ұстаз Б.Мамаева да құттықтау лебізін жеткізіп, балабақшаның жаңаруына атсалысқан азаматтарға алғысын айтты. Мұнан соң құрметті қонақтар жаңа ғимараттың лентасын қиып, ішін аралап көрді. Бүлдіршіндер өнерлерін көрсетіп, көпшілікті қылықтарымен қуантты.
