Kyzylorda-News.kz

 

    Сырдария аудандық мәдениет үйінде ішкі саясат бөлімінің қолдауымен және «Сырдария ауданының әйелдері» қоғамдық бірлестігінің төрайымы Ұ.Жанәлиеваның ұйымдастыруымен «Анасын ардақтаған ел азбайды» атты аудандық әжелер ансамблінің байқауы болып өтті. Бұл туралы аудан әкімінің баспасөз қызметі хабарлады.

    Мұндай тағылымды іс-шараға әр елді-мекеннен құрылған ақ жаулықты аналар мен немере сүйіп отырған әжелер қатысты. Өскелең ұрпаққа ұлттық құндылықтарымызды насихаттауға бағытталған байқауда әжелер ансамбльдері 3 кезең бойынша бақ сынады. Олар ал дымен «Әжелер ән салғанда» кезеңінде халық әндерін орындаса, «Халық әнін шырқаймыз» кезеңінде жеке орындаудағы әндер тыңдалды. Ал соңғы кезеңде әжелер бесік жырын жырлады.
    Нәтижесінде І-орынды Н.Ілиясовтан «Ақ әжелер» ансамблі иеленді. ІІ-орынды Тереңөзек кентінен «Сыр ана» әжелер ансамблі алса, ІІІ-орын Тереңөзек кенті клубі жанынан құрылған «Аруана» ансамбліне бұйырды. Сондай-ақ, жекелеген номинация бойынша да асыл жандар марапат тұғырынан көрінді. Халық әнін жеке орындауда кент тұрғыны Ш.Жанбосынова І дәрежелі дипломмен марапатталса, аманкелділік С.Есмағамбетова мен К.Борановалар екінші және үшінші орындарды өзара бөлісті. Ал бесік жырын айтуда Б.Иманбердиева І орынды иеленсе, сәкендік Ү.Байділдаева ІІ орынды және жетікөлдік Ұ.Мәмбетова ІІІ орынды алды.
    Аталмыш шараға қатысқан басқа да әжелер ансамбльдері алғыс хаттармен марапатталып, бағалы сыйлықтарға ие болды.