Kyzylorda-News.kz

 

    Қазақстан КВН Одағы мен «Шиелі-Бірлік» жастар қоғамдық бірлестігінің ұйымдастыруымен өткізілген «Шиелі ашық» лигасының финалдық сайысы өз мәресіне жетті, деп хабарлайды Шиелі ауданы әкімінің баспасөз қызметі.
    Өткізілген ойынға аудан басшысы Қайратбек Сәрсенбаев қатысып, командаларға сәттілік тіледі. 28 команда бақтарын сынаған финалдық ойынның қорытындысы бойынша ІІІ орын-«Нар Сити», ІІ орын-Жөлек ауылының «Үй жақтың балалары» командасы иеленсе, І орын «Бәйгеқұм» жастары жайдарман құрамасы еншісіне бұйырды. Жеңімпаз командаларға дипломдар мен бағалы сыйлық, кубоктар табысталды.
    Айта кету керек, Шиелі ауданында жайдарман ойынын дамыту мақсатында биылғы жылға аудандық бюджеттен 1 млн 200 мың теңге қаржы бөлініп, тиісті жұмыстар атқарылуда. Аталмыш қаржыға жыл басынан бері мектеп ішілік, аудандық, облыстық деңгейде ауқымды сайыстар ұйымдастырылып, аудандық жайдарман ойыншылары республикалық лига дейін барып, өнерлерін ортаға салып келді.