ШИЕЛІ АУДАНЫНДА МӘУЛІТ МЕРЕКЕСІ АТАЛЫП ӨТТІ
Мәуліт мерекесін аудан көлемінде атап өту мақсатында Шиелі ауданында бірқатар шаралар ұйымдастырылды. Алдымен аудандық ішкі саясат және орталық мешіттің ұйымдастыруымен «Қайырымдылық-иманның бастауы» атты тақырыпта мектеп оқушылары арасында жыр мүшәйрасынан сайыс болып өтті. Мүшәйраға 20-дан астам жас балғындар қатысып, өлеңдерін оқып, жыр сүйер қауымның жүрегіне жол тауып жатты. Сонымен қатар, айтулы мерекеге орай «Алла елшісінде жақсы үлгілер бар» атты салтанатты жиын ұйымдастырылды. Қасиетті мерекеге арнайы қонақ ретінде Қызылорда қаласынан ҚМДБ Қызылорда облысы бойынша өкілі «Сырдария - Ақмешіт» мешітінің бас имамы Талғат Омаров келіп қатысты.
Пайғамбарымыз Мұхаммедтің (с.ғ.с.) туған күні - Мәуліт мерекесіне орай ұйымдастырылған салтанатты шараны ашу үшін аудан әкімінің орынбасары Тұрмағанбет Жағыпбаров сөз алып, аудан жұртшылығын осынау қасиетті мерекемен құттықтап, «Қайырымдылық-иманның бастауы» атты тақырыпта ұйымдастырылған жыр мүшәйрасының жеңімпаздарына дипломдар мен ақшалай сыйлықтар табыстады.
Пайғамбарымыз Мұхаммедтің (с.ғ.с.) туған күні - Мәуліт мерекесіне орай ұйымдастырылған салтанатты шараны ашу үшін аудан әкімінің орынбасары Тұрмағанбет Жағыпбаров сөз алып, аудан жұртшылығын осынау қасиетті мерекемен құттықтап, «Қайырымдылық-иманның бастауы» атты тақырыпта ұйымдастырылған жыр мүшәйрасының жеңімпаздарына дипломдар мен ақшалай сыйлықтар табыстады.
