Kyzylorda-News.kz

 

    "Нұр Отан" партиясы Шиелі аудандық филиалында "Кедергісіз келешек" партиялық жоба аясында "Бәріміз бірдейміз" атты мүмкіндігі шектеулі жандармен кездесу  өтті. Бұл туралы партияның баспасөз қызметі хабарлайды.
    Кездесуде алдымен аудандық Мүгедектер құқығын қорғау қорының төрағасы Асылбек Смайлов сөз алып,  мүгедек жандардың мұң-мұқтажы тыңдалды.
    Шара соңында жарымжан жандар мүмкіндігі шектеулі жандарға арналған тегін Инво такси қызметін ашып берсе деген тілектерін  білдірді.
    "Нұр Отан" партиясы Шиелі аудандық филиалы төрағасының бірінші орынбасары Патима Маханбет аудандағы кәсіпкерлер демеушілігімен әрбір мұқтаж жандарға сый-сыйапат беріп, алдаға уақытта олардың өтініштерін орындауға уәде берді.