Kyzylorda-News.kz

 

    Жыл басында қала әкімі Нұрлыбек Нәлібаевтың есепті кездесуінде Қызылжарма ауылдық округі тұрғындары тарапынан көтерілген жол, спорт алаңын салу, бейітті қоршау т.б. мәселелер биыл шешімін тапты.
    Биыл ауылда 9 көшеге тас төселіп, 2 көше асфальттануда, ұзындығы 2 шақырымды құрайтын жаяу жүргіншілер жолы салынуда. Жыл соңына дейін ауыл ішінде балалар ойын және спорт алаңы салынып, ауыл шетінде орналасқан бейіт қоршалатын болады.
    Жалпы тұрғындардың ішінен мемлекет тарапынан 2014 жылдың ІІ тоқсанында балалар жәрдемақысын 134 отбасы немесе 402 адам, тұрғын үй көмегін 28 отбасы немесе 122 адам, атаулы әлеуметтік көмекті 5 отбасы алған.
    Биыл ауылда 280 орындық балабақша пайдалануға беріледі. Құрылыс жұмыстарына республикалық бюджеттен 367 млн.теңге бөлінді. Мұнымен қоса, ауыл тұрғындарының ұзақ уақыттан бері көтеріп келе жатқан өзекті мәселесі шешімін тапты.
    «Саламатты Қазақстан» бағдарламасы аясында ауылдық округке жаңа дәрігерлік амбулатория құрылысы салынуда. Бұл мақсатқа облыстық бюджеттен 78 млн. теңге қаржы бөлінді. Аталмыш қос нысан да биыл пайдалануға беріледі.
    Шынар БЕКБАН