ҚАЗАЛЫДА «ДАЛА КҮНІ» ӨТТІ
«Дала күні» дәстүрлі шарасы кеше қазалылық еңбекшілердің басын қосты. Жанқожа батыр кесенесіне барып, баба рухына құран бағыштаудан басталған шара Мұратбаев ауылындағы «РЗА-Агро» ЖШС-нің егіс алқабында жалғасты. Семинар-кеңеске аудан әкімі Нажмадин Шамұратов пен барлық ауылдық округ әкімдері мен шаруалар қатысты, деп хабарлады аудан әкімінің баспасөз қызметі.
Көктемгі дала жұмыстарының барысы туралы хабарлама жасаған аудандық ауыл шаруашылығы бөлімі басшысының міндетін атқарушы Н.Аманбай биылға 17620 гектарға ауыл шаруашылығы дақылдарын орналастыру межеленіп отырғандығын жеткізді. Оның ішінде күріш егісінің көлемі 7510 гектарды құрайды. Бүгінгі күні аудан көлемінде ерте егілетін дақылдар егу жұмысы толық аяқталған.
Семинар соңында аудан әкімі Н.Шамұратов диқандардың жұмысына сәттілік тілеп, егіннің бітік болуын тілектестігін білдірді. Ауылшаруашылығы саласының ардагері Сақыбай Нармағамбетов диқандарға ақ батасын берді.
Семинар соңында аудан әкімі Н.Шамұратов диқандардың жұмысына сәттілік тілеп, егіннің бітік болуын тілектестігін білдірді. Ауылшаруашылығы саласының ардагері Сақыбай Нармағамбетов диқандарға ақ батасын берді.
