Kyzylorda-News.kz

 

    Қазалы аудандық мәдениет Орталығында «Мерейлі отбасы» атты отбасылар байқауы өткізілді.
    Үлгілі отбасыларды кең түрде насихаттау бағытында өткен конкурсқа некеде он жылдан кем емес уақыт тұратын балалы 9 отбасы қатысып, өзара бақ сынасты. Қорытындысында Әйтеке би кентінен қатысқан Тәңірбергеновтер отбасы ерекшелігімен көзге түсіп, бірінші орынды жеңіп алды. Кәукей аулынан келген Сексенбаевтар отбасы екінші орынды, Қазалы қаласынан қатысқан Мамбетовтер отбасы үшінші орынды иеленді. Мәдени шара жоғары деңгейде өтіп, көрермендердің көңілінен шықты. Жүлдегерлер арнайы Дипломдармен және бағалы сыйлықтармен марапатталды.