Kyzylorda-News.kz

 

    Қазалыда жыршы-термешілердің аймақтық фестивалі өтті. Бұл туралы аудан әкімінің баспасөз қызметінен хабарлады.
    Жүргізуші - белгілі жырау Алмас Алматов. Фестивалге қатысушылар қасиетті Қазалы өлкесі мен Ақтан батыр және Бекарыстан биді жырға қосып, дәріптеді. Оған облыс аумағындағы 20-дан астам талапкер қатысты.
    Жыршы-термешілер фестиваліне қатысушылардың барлығы ақшалай жүлделі сыйлықпен марапатталды. Сондай-ақ аудан әкімі Нажмадин Шамұратов бабалар тойына арнайы келген құрметті қонақ Алмас Алматов пен жыршыларға өз алғысын айтып, құрмет көрсетті.
    Кеш соңы бабалар мерейтойына арналған мерекелік гала-концертпен жалғасты.