ҚАЗАЛЫ АУДАНЫНЫҢ ӘКІМІ БОЛАШАҚ ТЕМІРЖОЛШЫЛАРМЕН КЕЗДЕСТІ
Қазалы ауданының әкімі Нәжмадин Шамұратов Қазалы көлік-техникалық колледжінде болып, студенттерді жаңа оқу жылымен құттықтады. Аудан әкімінің баспасөз қызметінің хабарлауынша, Н.Шамұратов колледждегі оқу кабинеттері мен шеберханаларды аралап, білім ордасының оқу процесімен танысты.
Мұнда қазалылық жастардан өзге көрші аудандармен қатар Алматы, Атырау, Ақтөбе қалаларынан келген студент жастар 11 мамандық бойынша білім алады. Түрлі мамандық бойынша дәріс беретін ұстаздар Франция, Германия, Ресей сынды шет елдерде біліктілігін арттырып отырады.
Теміржол саласына қатысты мамандар дайындауда оқытушылар көбіне орыс тілді оқулықтарға жүгініп келгендіктерін айтады. Осы олқылықтың орнын толтыру үшін өткен жылы ұстаздар студенттермен бірге қазақ тілінде 6 кітап дайындап, баспадан шығарған. Сондай-ақ, олар дайындаған 4 түрлі тест кітапшаларын қазіргі таңда өзге өңірлердің оқу орындары да пайдаланып отыр.
Сонымен қатар, аудан басшысы колледж жанындағы әдістемелік орталық, 20 мыңнан астам кітап қоры бар кітапхана және жатақханада болып, жай-күйімен танысты. Және оқу орны қызметкерлерінің күшімен ашылған жылыжаймен де танысты. Онда биылғы жылы «Инфинити», «Барбина», «Директор» деп аталатын қияр тұқымының 3 түрі егіліп, жергілікті халыққа ұсынылған. Алдағы уақытта олар халықты таза сапалы өнімдермен қамтамасыз ете отырып, кіріс қаржысын оқу ордасының материалдық-техникалық базасын нығайтуға жұмсамақ.
Мұнда қазалылық жастардан өзге көрші аудандармен қатар Алматы, Атырау, Ақтөбе қалаларынан келген студент жастар 11 мамандық бойынша білім алады. Түрлі мамандық бойынша дәріс беретін ұстаздар Франция, Германия, Ресей сынды шет елдерде біліктілігін арттырып отырады.
Теміржол саласына қатысты мамандар дайындауда оқытушылар көбіне орыс тілді оқулықтарға жүгініп келгендіктерін айтады. Осы олқылықтың орнын толтыру үшін өткен жылы ұстаздар студенттермен бірге қазақ тілінде 6 кітап дайындап, баспадан шығарған. Сондай-ақ, олар дайындаған 4 түрлі тест кітапшаларын қазіргі таңда өзге өңірлердің оқу орындары да пайдаланып отыр.
Сонымен қатар, аудан басшысы колледж жанындағы әдістемелік орталық, 20 мыңнан астам кітап қоры бар кітапхана және жатақханада болып, жай-күйімен танысты. Және оқу орны қызметкерлерінің күшімен ашылған жылыжаймен де танысты. Онда биылғы жылы «Инфинити», «Барбина», «Директор» деп аталатын қияр тұқымының 3 түрі егіліп, жергілікті халыққа ұсынылған. Алдағы уақытта олар халықты таза сапалы өнімдермен қамтамасыз ете отырып, кіріс қаржысын оқу ордасының материалдық-техникалық базасын нығайтуға жұмсамақ.
