ЖАНҚОЖА БАТЫР АТЫНДАҒЫ МЕКТЕП ЖАҢА ОҚУ ЖЫЛЫНА ДАЙЫН ЕМЕС
Жаңа оқу жылына санаулы күндер қалды. Бірақ елімізде оған дайындығын әлі күнге бастамаған білім ордалары бар.
Оны Қазалы ауданының прокурорлары анықтап отыр. Әйтеке би кентіндегі №70 Жанқожа батыр атындағы мектепті тексеру барысында оның жаңа оқу жылына мүлдем дайын еместігі белгілі болған. Білім ордасынан оқу жылының жаңашылдығы байқалмайды. Есік терезелері аңғал-саңғал. Шұрық-тесік едендері де сырланбаған. Парта мен столдар әр бұрышта жайрап жатыр. Ал спорт залға биылғы түлектердің бітіру кешінен соң адам аяғы баспаған секілді. Безендірілген зал жинаусыз қалып, құстар ұя салып алған. Мектеп басшысы болса, оның себебін ашып айта алмады.
Мектеп 250 оқушыға лайықталған. Жанында 64 балаға арналған интернат та бар. Ол да иесіз қалған үй секілді. Асханадағы тамақ қалдықтары иістеніп, ескірген ыдыс-аяқтары жуусыз қалған. Прокурорлар оған жауаптылар жазасыз қалмайды дейді.
Бекзат Орынбаев, Қазалы ауданы прокурорының орынбасары:
- Тексеру нәтижесімен анықталған заңбұзушылықтарға байланысты аудандық прокуратураның прокурорлық ықпал ету актісі енгізіліп, нәтижесімен анықталған заң бұзушылықтарға жол берген жауапты тұлғалар әкімшілік жауапкершілікке тартылатын болады.
Ал аудандық төтенше жағдайлар бөлімінің мамандары балалардың қауіпсіздігіне алаңдаулы. Себебі ғимарат өртке қарсы арнайы құралдармен жабдықталмаған, электр желілері де ескі.
Дархан Шакен, Қазалы ауданы төтенше жағдайлар бөлімінің инженері:
- Біраз мектептерде мұндай кемшіліктер бар. Жылда қайталануда. Аудандық төтенше жағдай бөлімінің тарапынан мұндай кемшіліктер анықталған барысында бақылау бағытында қайта тексеріліп, ауданаралық сотына мектеп ғимаратын тоқтатуға сотқа талап арыз жолдаймыз.
Алғашқы қоңырау соғылуға санаулы күндер қалды. Осы аз уақыттың ішінде кемшілік қалыпқа келмесе, білім ордасының тағдырын сот шешпек.
Мөлдір ҚОЖАХМЕТОВА
Оны Қазалы ауданының прокурорлары анықтап отыр. Әйтеке би кентіндегі №70 Жанқожа батыр атындағы мектепті тексеру барысында оның жаңа оқу жылына мүлдем дайын еместігі белгілі болған. Білім ордасынан оқу жылының жаңашылдығы байқалмайды. Есік терезелері аңғал-саңғал. Шұрық-тесік едендері де сырланбаған. Парта мен столдар әр бұрышта жайрап жатыр. Ал спорт залға биылғы түлектердің бітіру кешінен соң адам аяғы баспаған секілді. Безендірілген зал жинаусыз қалып, құстар ұя салып алған. Мектеп басшысы болса, оның себебін ашып айта алмады.
Мектеп 250 оқушыға лайықталған. Жанында 64 балаға арналған интернат та бар. Ол да иесіз қалған үй секілді. Асханадағы тамақ қалдықтары иістеніп, ескірген ыдыс-аяқтары жуусыз қалған. Прокурорлар оған жауаптылар жазасыз қалмайды дейді.
Бекзат Орынбаев, Қазалы ауданы прокурорының орынбасары:
- Тексеру нәтижесімен анықталған заңбұзушылықтарға байланысты аудандық прокуратураның прокурорлық ықпал ету актісі енгізіліп, нәтижесімен анықталған заң бұзушылықтарға жол берген жауапты тұлғалар әкімшілік жауапкершілікке тартылатын болады.
Ал аудандық төтенше жағдайлар бөлімінің мамандары балалардың қауіпсіздігіне алаңдаулы. Себебі ғимарат өртке қарсы арнайы құралдармен жабдықталмаған, электр желілері де ескі.
Дархан Шакен, Қазалы ауданы төтенше жағдайлар бөлімінің инженері:
- Біраз мектептерде мұндай кемшіліктер бар. Жылда қайталануда. Аудандық төтенше жағдай бөлімінің тарапынан мұндай кемшіліктер анықталған барысында бақылау бағытында қайта тексеріліп, ауданаралық сотына мектеп ғимаратын тоқтатуға сотқа талап арыз жолдаймыз.
Алғашқы қоңырау соғылуға санаулы күндер қалды. Осы аз уақыттың ішінде кемшілік қалыпқа келмесе, білім ордасының тағдырын сот шешпек.
Мөлдір ҚОЖАХМЕТОВА
