МЕКТЕПТЕ ТҰРЫП КЕЛГЕН 17 ОТБАСЫ ҮШІН ҮЙ САЛЫНЫП ЖАТЫР
Былтыр күзде үйлері өртеніп, далада қалған Қазалы ауданы, Әйтеке би кенті тұрғындарына қуанышты жаңалық жетті. Көпқабатты үйден өрт шыққан кезде 17 отбасы баспанасыз қалған еді.
Күлге айналған ғимараттың орнында үш қабатты, 18 пәтерлі үйдің құрылысы басталып жатыр екен. Жергілікті билік «тұрғындар жылу маусымына дейін қоныс тойын тойлайды» деп уәде беруде.
Жалғас Сүйеубаев, Қазалы аудандық құрылыс бөлімінің басшысы:
- Жоспарға сәйкес жобалық-сметалық құжаттары 206 млн. болды. Негізгі құрылыс монтаж жұмыстарына 200 млн. 198 мың теңге қаржы бөлінді. Бұл жердегі үй өте ескі болды. Әр үй, әр бөлме қазақы пешпен жылытылатын. Ал бүгінде бүкіл ауданда орталықтандырылған жылу жүйесі бар. Жоба да осы жүйеге қосылады.
Естеріңізге сала кетейік, тұрғындар жергілікті биліктің шарасыздығын айтып, шағымданған болатын. Барынан айырылған олар жалға алатын пәтер таппай, спорт мектебінің залын паналап келді. Қазір олардың барлығы уақытша баспаналарға орналастырылған. Жергілікті билік пәтерақы мәселелерін өз мойындарына алыпты.
Мөлдір ҚОЖАХМЕТОВА
Күлге айналған ғимараттың орнында үш қабатты, 18 пәтерлі үйдің құрылысы басталып жатыр екен. Жергілікті билік «тұрғындар жылу маусымына дейін қоныс тойын тойлайды» деп уәде беруде.
Жалғас Сүйеубаев, Қазалы аудандық құрылыс бөлімінің басшысы:
- Жоспарға сәйкес жобалық-сметалық құжаттары 206 млн. болды. Негізгі құрылыс монтаж жұмыстарына 200 млн. 198 мың теңге қаржы бөлінді. Бұл жердегі үй өте ескі болды. Әр үй, әр бөлме қазақы пешпен жылытылатын. Ал бүгінде бүкіл ауданда орталықтандырылған жылу жүйесі бар. Жоба да осы жүйеге қосылады.
Естеріңізге сала кетейік, тұрғындар жергілікті биліктің шарасыздығын айтып, шағымданған болатын. Барынан айырылған олар жалға алатын пәтер таппай, спорт мектебінің залын паналап келді. Қазір олардың барлығы уақытша баспаналарға орналастырылған. Жергілікті билік пәтерақы мәселелерін өз мойындарына алыпты.
Мөлдір ҚОЖАХМЕТОВА
