Kyzylorda-News.kz

    Қазалы ауданында мотоциклді велосипед секілді құжатсыз айдайтындардың саны артқан. Мәселен, соңғы бір аптаның өзінде айып тұрағына 22 мотоцикл жеткізіліпті.
    Аудандық прокуратураның мәліметінше, олардың барлығы дерлік  әлі күнге кеңес заманынан қалған нөмірмен жүрсе, жүргізушісінде еш құжат болмаған. Оның үстіне мотоциклді мас күйінде айдайтындар да көп екен.
    Ғалым Едігеев, Қазалы ауданының прокуроры:
    -  Мотокөлік иелері өз беттерімен техникалық қайта жабдықтап, ағашатан жасап, жүк тасымалдау қызметіне пайдалануда. Ауыр салмақтан ауып кетіп, жол көлік оқиғаларына алып келуі ықтимал.
    Айта кетейік, тексерісті күшейтуге өткен айда тіркелген жол көлік оқиғалары себеп болыпты. Онда мотоцикл жүргізушісінің бірі жеңіл көлікпен соқтығысып, көз жұмса, екіншісі бағанаға соғып, басынан алған жарақаттан жан тапсырған. Прокурорлардың айтуынша, осындай шарадан соң, ауданда мотоциклдерін заңдастыруға ниеттілер саны артып келе жатыр екен.
    Мөлдір ҚОЖАХМЕТОВА