ҚАЗАЛЫЛЫҚ ӨНЕРПАЗДАР ОБЛЫСҚА ЖОЛДАМА АЛДЫ
Қазалы аудандық мәдениет орталығында жас таланттарды табу және олардың өнерін жоғары деңгейде көрсету тұрғысында дәстүрлі «Бозторғай» балалар шығармашылығына арналған байқаудың аудандық іріктеу туры өтті. Бұл туралы аудан әкімінің баспасөз қызметі хабарлады.
Байқауға барлығы 64 талапкер қатысты және олар байқау шарттарына сәйкес ән жанры бойынша халықтық, классикалық, эстрадалық әндер орындаса, хореография жанры бойынша ұлттық және классикалық билер орындады. Ал халықтық орындау жанры бойынша ән, терме, күй орындап, болашағынан зор үміт күттірер жас талант иелері қазыналы Қазалының өнерге бай өлке екендігін тағы бір мәрте паш етті. Бүлдіршіндердің өнерін сарапқа салатын облыстық мәдениет басқармасы бекіткен комиссия құрамындағы облыстық халық шығармашылығын дамыту және мәдени-продюсерлік орталығының бөлім меңгерушісі Бағдагүл Есмұрзаева, күй және инструменталды аспаптар және халықтық орындау маманы Ораз Әлішбеков қатысып талапкерлердің өнерін бағалады.
Байқаудың қорытындысында 29 жас өнерпаздар облыстық «Бозторғай» байқауына қатысуға жолдама алды.
Байқауға барлығы 64 талапкер қатысты және олар байқау шарттарына сәйкес ән жанры бойынша халықтық, классикалық, эстрадалық әндер орындаса, хореография жанры бойынша ұлттық және классикалық билер орындады. Ал халықтық орындау жанры бойынша ән, терме, күй орындап, болашағынан зор үміт күттірер жас талант иелері қазыналы Қазалының өнерге бай өлке екендігін тағы бір мәрте паш етті. Бүлдіршіндердің өнерін сарапқа салатын облыстық мәдениет басқармасы бекіткен комиссия құрамындағы облыстық халық шығармашылығын дамыту және мәдени-продюсерлік орталығының бөлім меңгерушісі Бағдагүл Есмұрзаева, күй және инструменталды аспаптар және халықтық орындау маманы Ораз Әлішбеков қатысып талапкерлердің өнерін бағалады.
Байқаудың қорытындысында 29 жас өнерпаздар облыстық «Бозторғай» байқауына қатысуға жолдама алды.
