ҚАЗАЛЫЛЫҚ БҮЛДІРШІНДЕР КӨРЕРМЕНДІ ШАТТЫҚҚА БӨЛЕДІ
Қазалы ауданында Әйтеке би кенттік клубының ұйымдастыруымен өнерлі өрендердің талантын шыңдау, шығармашыл жас буынды елге таныстыру мақсатында «Еркетай» атты балалар шығармашылығына арналған байқау өтті.
Байқау шарттарына сәйкес балғын бүлдіршіндер бірінші кезеңде өздерін көпшілікке таныстырып, екінші кезеңде өз өнерлерін ортаға салды. «Мен анамның көмекшісімін» деп аталатын кезеңде әр балақай өздерінің анасынан үйренген тағамдарын әзірлесе, «Ертегілер елінде» кезеңінде танымал ертегі кейіпкерлерін сомдап қиял әлеміне саяхат жасады. Сондай-ақ, «Театр тентектері» деп аталатын кезеңде балалар интермедия-қойылымдар көрсетті.
Қорытындысында Бас жүлдені №249 мектеп-лицейдің 2-сынып оқушысы Рахат Шамшырақ иеленді. Бірінші орынды №204 мектептің 4-сынып оқушысы Ақерке Қолдасбай, екінші орынды №226 гимназияның 2-сынып оқушысы Айя Сердалы және №216 мектептің 2-сынып оқушысы Асылан Арсен жеңіп алды. үшінші орынды №216 мектептің 1-сынып оқушысы Диана Әбубәкір, №234 мектептің 2-сынып оқушысы Диана Оралбаева және №165 мектептің 2-сынып оқушысы Әлия Мерекеева өзара бөлісті.
Жүлдегерлерге арнайы Дипломдар мен бағалы сыйлықтар табысталды. Сонымен бірге, байқауға қатысқан бір топ бүлдіршіндер ынталандыру сыйлықтарымен марапатталды.
Байқау шарттарына сәйкес балғын бүлдіршіндер бірінші кезеңде өздерін көпшілікке таныстырып, екінші кезеңде өз өнерлерін ортаға салды. «Мен анамның көмекшісімін» деп аталатын кезеңде әр балақай өздерінің анасынан үйренген тағамдарын әзірлесе, «Ертегілер елінде» кезеңінде танымал ертегі кейіпкерлерін сомдап қиял әлеміне саяхат жасады. Сондай-ақ, «Театр тентектері» деп аталатын кезеңде балалар интермедия-қойылымдар көрсетті.
Қорытындысында Бас жүлдені №249 мектеп-лицейдің 2-сынып оқушысы Рахат Шамшырақ иеленді. Бірінші орынды №204 мектептің 4-сынып оқушысы Ақерке Қолдасбай, екінші орынды №226 гимназияның 2-сынып оқушысы Айя Сердалы және №216 мектептің 2-сынып оқушысы Асылан Арсен жеңіп алды. үшінші орынды №216 мектептің 1-сынып оқушысы Диана Әбубәкір, №234 мектептің 2-сынып оқушысы Диана Оралбаева және №165 мектептің 2-сынып оқушысы Әлия Мерекеева өзара бөлісті.
Жүлдегерлерге арнайы Дипломдар мен бағалы сыйлықтар табысталды. Сонымен бірге, байқауға қатысқан бір топ бүлдіршіндер ынталандыру сыйлықтарымен марапатталды.
