Kyzylorda-News.kz

 

    Кеше «Алтын күз-2014» жәрмеңкесіне Қазалы ауданы Аранды ауылынан «Есхожаев М», Көларық ауылдық округіне қарасты «Сырмаржаны» ЖШС күріш, күріш қалдығы және жем, Мұратбаев ауылынан «РЗА» АҚ күрішінің келісі 170 теңгедан, Құмжиек ауылынан «Жеңіс» ШҚ 1 кг сиыр еті 1000 теңгеден, литрі 480 теңгеден шұбат, «РЗА» АҚ сүт өнімдері, Әйтеке би кентінен А.Ерхатов, Т.Игіліков, Тасарық ауылдық округінен балық өнімін нарық бағасынан арзандатып сатты.
    Қазалы қаласынан танымал қазалы кәмпитінің келісін 400 теңгеден, Басықара, Бозкөл, Алға, Ақжона, Майдакөл ауылдық округтерінен қауын, асқабақ өнімдері, Қарашеңгел, Арықбалық, Өркендеу, Сарыкөл, Бірлік ауылдық округтерінен көкөніс және бақша өнімдері сатылды.
    Жәрмеңкеде жалпы құны 20359,2 мың теңгеге өнім халыққа арзан бағада сатылып, барлығы 53 көлік қатыстырылып халық ризашылығына бөленді.
    Аудан бойынша озат мал шаруашылығы саласы бойынша «РЗА Асыл түлік» ЖШС басшысы Абзал Спанов, «Аржиков Б» ШҚ Берік Аржиков озат жылқышы, «Сыр маржаны» ЖШС Омар Сәрсенбай озат жаткист облыстық наградасымен марапатталды.
    Сонымен қатар "Қала күні" мерекесі аясында өткізілген "Этно ауыл Қызылорда" атты көрмеде үздіктер сапынан көрінген Қазалы ауданының әкімдігі I дәрежелі дипломмен марапатталды.
    Шынар БЕКБАН