Kyzylorda-News.kz

 

    Жалаңтөс баһадүр Сейтқұлұлының 440 жылдық мерейтойы құрметіне көптеген мәдени-көпшілік шаралар ұйымдастырылуда. Соның бірі - Қазалы аудандық орталықтандырылған кітапханалар жүйесінің ұйымдастыруымен Жалаңтөс батыр ауылдық кітапханасында өткен «Жалаңтөс Баһадүр – Тұран өркениетінің ұлы перзенті» тарихи-танымдық конференция. Шара барысында «Рухы асқақ ұлы тұлға» атты кітап көрмесі халық назарына ұсынылып, көптеген құнды мағлұматтар берілді.

    Мәдени шараны аудандық мәдениет және тілдерді дамыту бөлімінің басшысы Толыбай Жүсіпов ашып, жиналған қауымды мерейтоймен құттықтады және батырдың ерлігі мен өмірін насихаттай келе, жастардың бойындағы патриоттық сезімін ояту бағытындағы бұл шараның маңызына тоқталды.
    Конференцияны Қарашеңгел ауылдық округінің әкімі Алмат Әбілхан қорытындылап, Жалаңтөс Баһадүрдің ерен ерлігі өшпес өнеге, өлмес мұра болып, кейінгі ұрпақтың жадында мәңгі қалатындығын айтты.
    Бекзат ҚАЗИҚЫЗЫ,
    аудандық мәдениет және
    тілдерді дамыту бөлімінің баспасөз-хатшысы