Kyzylorda-News.kz

    Қармақшылықтар кеше Қытайдың Нанкинг қаласында өткен ІІ жазғы жасөспірімдер Олимпиадасының жеңімпазы Бауыржан Жауынтаевты ұлықтады.
    Салтанатты шарада аудан әкімі Н.Шамұратов чемпионды құттықтап, аудан әкімдігі атынан оған қаржылай сертификат табыстады. Бауыржанның туып-өскен жері – Қуаңдария ауылының тұрғындары да алтын ұлдарына сый-сияпат жасап, лезбіздерін жеткізді.
    Содан кейін «Қармақшы құрамасы» КТК командасы көпшілік назарына өз өнерлерін ұсынды. Шара мәдениет үйі көркемөнерпаздарының концерттік бағдарламасына ұласты.