Kyzylorda-News.kz

 

    Жосалыда автобекет салынуда. Қармақшылықтарды қуантқан бұл бастама үшін 2,5 гектар жер бөлінген.
    Аудан әкімінің баспасөз қызметі хабарлағандай, автостанцияда такси тұрағы, жүргізушілер демалатын, диспетчерлік, ана мен бала бөлмелері, медициналық бекеті, теміржол кассасы, төлемдер қабылдау орны болады. Бекет аумағында көлікке техникалық қызмет көрсету орны және сауда нүктелері орналасады.
    «Қызылорда» өңірлік инвестициялық орталығы» ЖШС-нің Бақылау Кеңесінде жобаны 10 млн. теңгеге несиелендіру мақұлданды. Автостанцияны жыл аяғына дейін іске қосу жоспарланып отыр.