ҚАРМАҚШЫДА «ЖАСТАР ЖЫРЛАЙДЫ» ЖАС АҚЫНДАР МҮШӘЙРАСЫ ӨТТІ
Аудандық ішкі саясат бөлімінің мемлекеттік тапсырысы шеңберінде «Қорқыт елі - Қармақшы» жастар қоғамдық бірлестігінің ұйымдастыруымен «Жастар жырлайды» атты жас ақындар мүшәйрасы болып өтті.
Мүшәйраға ауылдық округтерден келген жастар мен кент жастары қатысып, жүректерін жыр тербеген жас ақындар өзгеше шабытпен, өрнекті ұйқаспен келгендерін, суырып салар ақындық өнерлерін, ішкі сырды өлеңмен жеткізіп нағыз өздерінің таланттарын көрсете білді. Шара соңында әділ қазылар алқасы «Жастар жырлайды» деген ұранмен келген жас ақындардың әрбір сөзінен мол мағына, өрнекті ұйқас көргендерін айтып, жас ақындарды марапаттады. I орын Жосалы ауылдық округінен Құралай Жақсылық, II орын Жосалы кентінен Нұрай Айтбаева, III орын Қармақшы ауылдық округінен келген Орынбек Құндыбеков сынды жастар иеленсе, «Ұшқыр ой» номинациясымен Айдана Рахметолла, «Ой зерек» номинациясымен Жұлдызай Тұрлығұлова, «Қанатты қалам» номинациясымен Нұрсұлтан Шамгунов марапатталды.
