ҚАРМАҚШЫ АУДАНЫНДА КҮЗГІ БАЛЛ ӨТТІ
Қармақшы аудандық мәдениет үйінде жастарды адамгершілікке, кішіпейілдікке, әдептілікке, жаман әдеттерден аулақ болуға тәрбилеу, адам бойындағы ұнамды, ұнамсыз қылықтарды ажырата отырып, тіл байлығын, таным белсенділігін арттыру мақсатында «Күз ханшайымы-2016» күзгі баллы болып өтті.
Аталмыш шарада жастар «Күз ханшайымы мен болам», «Өнерді серік еткен ару», «Берекелі күз сыйы» және «Білімің қандай жас ару», «Күз ханшайымы» деп аталатын турлар бойынша бағаланды. Шара соңында белсенділігі мен өнерлерін ортаға салып, білімділігі мен өз өнерлерін көрсетіп бақ сынаған ханшайымдар, әділқазылар алқасының шешімімен аудандық «Күз ханшайымы-2016» байқауының жеңімпазы Ақмарал Сағидуллаева атанып, II орын Алтынай Ахметжанова мен III Малика Алдамжаровалар марапатталса, қалған қатысушы жастарда назардан тыс қалмай ұйымдастырушылар атынан бағалы сыйлықтармен арнайы марапаттауларға ие болды.
