САРБАЗДАР САЙЫСЫ

Қармақшы ауданының Қуаңдария ауылдық округінде 20/19 «Қосшың» әскери заставасында әскери борышын өтеп жатқан сарбаздар арасында «Біз Отан қорғауға дайынбыз!» атты әскери қолданбалы спорт түрлерінен жарыс өтті.

   «Қорқыт елі - Қармақшы» жастар қоғамдық бірлестігі ұйымдастырған шарада жастар кермеде тартылу, сырықта таянып тұрып қолды бүгіп жазу, белгілі бір уақыт ішінде киіну, АК-74 «Калашников» автоматын толық емес бөлшектеу мен жинақтау, 100 м қашықтықта жүгіру сияқты ережелер бойынша сынға түсті. Қорытындысында I орын «Техас», II орын «Барыс», III орын «Жасұлан», III оын «Қосшын» командаларына бұйырып, қалған қатысушылар арасында үздіктер анықталды.
   «Үздік ұйымдастырушы» номинациясымен Алмас Қуатұлы және Сағындық Сәтбаев марапатталды.
   Ж.НҰРПЕЙІСОВА

Қармақшы ауданы