ТӨРЕТАМ КЕНТІНДЕ ХАЛАЛ АСХАНА АШЫЛДЫ
Қасиетті Рамазан айында Төретам кентіндегі «Жәрімбет әулие» мешітінің» жанынан халал асхана ашылды. Аталған нысанның ашылу салтанатына Қармақшы ауданының әкімі С.Мақашов қатысып, жиылған жамағатты айлардың сұлтаны болған қасиетті Рамазан айымен құттықтап, заман талабына сай жабдықталып, халықтың игілігіне бейімделіп жасалған жаңа асхана құрылысының бас мердігері, кәсіпкер Ізбанов Ерғазы Базарбайұлына рахметін айтты.
Бұған дейін де көптің алғысын арқалаған кәсіпкер Рамазан айының алғашқы күні асханада дастархан жайып, жамағатқа ауызашар берді. Асхана ораза айынан кейін де жұмысын тоқтатпақ емес. Сондай-ақ, күнделікті мешіт жамағаты үшін арзан әрі адал ас ішетін орынға айналады. Сондықтан өзге жерде емес Алланың жердегі үйі мешіттің жанынан ашылған халал асхана кент тұрғындарын зор қуанышқа кенелтті.
Бұған дейін де көптің алғысын арқалаған кәсіпкер Рамазан айының алғашқы күні асханада дастархан жайып, жамағатқа ауызашар берді. Асхана ораза айынан кейін де жұмысын тоқтатпақ емес. Сондай-ақ, күнделікті мешіт жамағаты үшін арзан әрі адал ас ішетін орынға айналады. Сондықтан өзге жерде емес Алланың жердегі үйі мешіттің жанынан ашылған халал асхана кент тұрғындарын зор қуанышқа кенелтті.
