Kyzylorda-News.kz

 

    Бүгін аудан әкімі Абзал Мұхимовтың балаларға арнаған жаңа жылдық кеші өтті. Аудан әкімінің баспасөз қызметінің хабарлауынша, көңілді кешке аудан әкімі Абзал Мұхимов қатысып, балаларды жаңа жыл мерекесімен құттықтады.
    «Баршаңызды санаулы күндерден соң төрімізге енгелі отырған жаңа жыл мерекесімен шын жүректен құттықтаймын. Жаңа жыл жарқын болашаққа бастар қадам. Біздің болашағымыз балаларға қазіргі күні бар жағдай жасалып отыр. Сондықтан да сіздер жақсы оқып, мектеп қабырғасында тек биіктерден көрінулерің керек. Спорт пен өнерді, білім мен білікті ұштастырып елімізге қызмет жасайтын азамат болып өседі деп сіздерге сенемін. Мереке тағы да құтты болсын! Болашақтарың жарқын болсын»,- деді аудан әкімі.
    Мұнан әрі шырша шамы жағылып балақайлар ертегі еліне саяхат жасады. Айта кетейік, аталмыш жаңа жылдық кеште әлеуметтік жағдайы төмен, аз қамтылған отбасылардың балаларына ерекше көңіл бөлініп, Абзал Сансызбайұлының арнайы дайындаған жаңа жылдық сыйлықтары табыс етілді.