Kyzylorda-News.kz

 

    Арал ауданында З.Шүкіров атындағы қалалық мәдениет үйінде «Жүректен –жүрекке!» атты мейірімділік акциясы барысында өнерпаз жастардың концерті өтті, деп хабарлайды аудан әкімінің баспасөз қызметі.
    Exclusive production-ның ұйымдастыруымен өткен концертке қатысушылар көп болды. Аталмыш акциясының басты мақсаты – 20 жастағы Сұлтанбейбарыс Рысбаевқа көмек қолын созу болатын. Концерттке бар ықыластарымен дайындалған өнерлі өрендер көрерменнің көңілінен шықты. Өнерпаздар күмбірлете күміс күй тартып, әуелете әсем ән салды.
    Тағдыр теперішіне тап болған қатарластарына көмек қолын созуға ұмтылған жастардың игі істеріне риза болғандар көп. Қолдарынан келгенше жәрдемін аямағандар да жетерлік. Осындай жақсылық жасауға құштар жастар барда болашақтың жарқын болары сөзсіз. Жастардың игі шараға мұрындық болғанына риза болған Сұлтанбейбарыстың анасы Сара Елеусізова, қаладағы ардагер Тортай Бейсов ыстық лебіздерін білдіріп, алғыстарын айтты.