Kyzylorda-News.kz

 

    Ұлы Жеңістің 70 жылдық мерекесі қарсаңында Арал аудандық сотының ұжымы Ұлы Отан соғысының ардагері, тоқсанның төріне шыққан Өтемұрат Айназаров ақсақалдың отбасына барып, келе жатқан Жеңіс күні мерекесімен құттықтап, иығына шапан жауып, сый-сияпат табыстап, құрмет көрсетті. Бұл туралы аудандық сотының баспасөз қызметі хабарлады.
    Жеңісті жақындатуға атсалысқан қарт майдангер Өтемұрат ақсақал сот ұжымына ризашылығын білдіріп, атқарып жатқан қызметтеріне үлкен абырой мен табыс тіледі. Елдің бірлігі мен амандығын, Қазақстан халқына бейбітшілік өмір тілеп, ақ батасын берді.