ҚҰРМАНҒАЗЫ АТЫНДАҒЫ ҰЛТ АСПАПТАР ОРКЕСТРІ АРАЛ АУДАНЫНДА
Арал аудандық мәдениет үйінде кәсіби өнерпаздардан құралған Құрманғазы атындағы Қазақ мемлекеттік академиялық ұлт-аспаптар оркестрі өнер көрсетті. Бұл туралы аудан әкімінің баспасөз қызметі хабарлады.
Оркестр шығармашылық концертін Түркештің «Көңілашар» күйімен бастады. Одан әрі ҚР еңбек сіңірген қайраткері дирижер Жанас Бекентұровтың дирижерлігімен Құрманғазы, Тәттімбет, Қорқыт, Дәулеткерей, Дина сынды халық композиторларының күйлерін орындады. Сондай-ақ оркестрдің құрамындағы аралдық Мәлік Дәрменов домбырадан «Терісқақпай», «Мұраттың төкпесі» күйін, Ардақ Итекеева қобызда «Қоңыр» күйін төгілтті. «Қазақстан дауысы» ән жобасының финалисті Мақсат Мақұлбеков «Ақбақай» әнін әуелетіп, Президент қоры сыйлығының иегері, дәстүрлі әнші Ерлан Рысқали «Молдабай» әнін көкке көтере шырқады.
Шығармашылық кешті тамашалауға қатысқан аудандық мәдениет және тілдерді дамыту бөлімінің басшысы Тәңірберген Дәрменов оркестр ұжымына ризашылығын білдіріп, аудан әкімі Абзал Мұхимовтың Алғыс хатын табыстады.
Оркестр шығармашылық концертін Түркештің «Көңілашар» күйімен бастады. Одан әрі ҚР еңбек сіңірген қайраткері дирижер Жанас Бекентұровтың дирижерлігімен Құрманғазы, Тәттімбет, Қорқыт, Дәулеткерей, Дина сынды халық композиторларының күйлерін орындады. Сондай-ақ оркестрдің құрамындағы аралдық Мәлік Дәрменов домбырадан «Терісқақпай», «Мұраттың төкпесі» күйін, Ардақ Итекеева қобызда «Қоңыр» күйін төгілтті. «Қазақстан дауысы» ән жобасының финалисті Мақсат Мақұлбеков «Ақбақай» әнін әуелетіп, Президент қоры сыйлығының иегері, дәстүрлі әнші Ерлан Рысқали «Молдабай» әнін көкке көтере шырқады.
Шығармашылық кешті тамашалауға қатысқан аудандық мәдениет және тілдерді дамыту бөлімінің басшысы Тәңірберген Дәрменов оркестр ұжымына ризашылығын білдіріп, аудан әкімі Абзал Мұхимовтың Алғыс хатын табыстады.
