Kyzylorda-News.kz

 

    Арал аудандық мәдениет үйінде Пайғамбарымыз Мұхаммед (с.ғ.с)-нің туған күніне арналған Мәуліт мерекесі аталып өтті, - деп хабарлайды аудан әкімдігінің баспасөз қызметі.
    Рухани кеш шымылдығы Пайғамбарымыздың өмір жолынан сыр шертетін «Адамзаттың ардақтысы» атты бейнефильммен ашылды.
    Мұнан соң «Нұр Отан» партиясы аудандық филиалы төрағасының бірінші орынбасары Алдаберген Жоланов Мәуліт мерекесінің ерекшелігіне кеңінен тоқталып, көпшілікке жүрекжарды тілегін жеткізді. Мазмұнды шара барысында, аудандық орталық мешіттің ұстазы Дастан Мектепбаев қасиетті Құран-Кәрім аяттарын, ал Әбсаттар қари Мәуліт дұғасын оқыды.
    Қызылорда облыстық «Ақмешіт» орталық мешітінің найб имамы  Бақыт Олжаев Мәуліт мерекесінің тағылымдық тұстарын жан-жақты ортаға салып, арнайы шақыртылған әнші Сержанәлі Әлібеков әннен шашу шашты.
    Кеш соңында мерекеге жиналғандарға аудандық ішкі саясат бөлімі тарапынан діни кітаптар тарту етілді.  
    Фариза ОМАРОВА