Kyzylorda-News.kz

 

    Арал қаласындағы №262 мектеп-гимназиясында аудан әкімінің балаларға арналған Жаңа жылдық шырша мерекесі өткізілді, деп хабарлайды аудандық ішкі саясат бөлімі.
    Мерекелік шара барысында Арал ауданының әкімі Абзал Мұхимов балаларды Жаңа қой жылымен құттықтап, оқуда озат, тәртіпте үлгілі оқушы болуларына жылы лебізін білдірді.
    Айтулы шараның концерттік бағдарламасы аясында аудандық оқушылар үйінің бүлдіршіндері өнер көрсетті. Балғындар әр түрлі ертегі кейіпкерлерінің қойылымдарын тамашалап, қуанышқа бөленді. Мерекелік кеш соңында балаларға сыйлықтар мен тәтті торт тарту етілді.
    Фариза ОМАРОВА