ҰЛТТЫҚ ОЙЫН ТҮРЛЕРІНЕН ЖАРЫС ӨТТІ
Аралда Ұлыстың ұлы күніне арналған мерекелік шаралар бастау алды. Бүгін аудандық орталық мешіті мен аудандық денешынықтыру және спорт бөлімінің ұйымдастыруымен мешіт жамағаты арасында Наурыз мерекесі өткізілді. Шара аясында ұлттық спорт түрлері қол күрес, арқан тарту, гір көтеру, асық ату ойындары өтті. Жарыстың басты бәсекесі баспақ көтеруді жүздеген адам тамашалады.
Жеңімпаз иелері түрлі сыйлықтармен марапатталып, жиналған жұрт басты жаңару мен жаңғыру мерекесінің басты дәмі – наурызкөжеден ауыз тиді.
