Kyzylorda-News.kz

 

  Қыркүйек айында Қызылорда облысы Арал ауданының №262 мектеп-гимназиясының базасында математика пәні мұғалімдерінің аудандық олимпиадасы өткен болатын. Оған аудан мектептерінен 129 математика пәні мұғалімі қатысқан. Солардың ішінен 75 мұғалім екінші кезеңге жолдама алып, қорытындысында олимпиаданың ІІІ турына 7 математика пәнінің мұғалімі өтті.

 Аталған білім бәсекесінде топ жарған пән мұғалімдерін Ұстаздар күніне орай өткен салтанатты шарада аудан әкімі Абзал Мухимов арнайы марапаттады.

 Математика мәнінен өткен олимпиадада І орынды - №62 мектептің математика пәні мұғалімі Ақберген Мыңғышпанов алып, автокөліктің кілті табысталды. ІІ орынды - №260 мектептің мұғалімі Айтуған Сауяев иеленіп, оған 500 мың теңге берілді. ІІІ орынды - №13 мектептің мұғалімі Алданыш Әбжалиев пен №19 мектептің мұғалімі мен Гүлжан Әбілдаевалар 300 мың теңге ақшалай сыйлықпен марапатталды. Сонымен қатар №14 мектептің мұғалімі Самат Серғазиев, №19 мектептің мұғалімі Алашыбай Махашов және №220 мектептің мұғалімі Әбдіқадыр Әбдіжалеловтерге ынталандыру сыйлықтары табысталды.