Kyzylorda-News.kz

    Сөзі салмақты, ісі тыңғылықты көнекөз қарияларға құрмет елімізде де көрсетілері белгілі. Осындай құрметке лайық қарттарымыз Арал өңірінде де  жоқ емес. Өмірлерін өнер саласына арнаған бір топ ардагерлер бүгінде «Ұлағат» атты топ құрып, көрермендер көзайымына айналуда. Аудандық Жыраулар үйінің жанынан құрылған аталмыш ардагерлер ансамблі жақында қарттар күніне арналған тағы бір мерекелік концертін көрермендеріне тарту етті. Кейінгі ұрпаққа берері мол тағылымды кеште ансамбль мүшелері жеке дара өз өнерлерін ортаға салды.
    Кешегі Кеңес Үкіметінен бастап елінің ертеңі үшін өлшеусіз еңбек етіп келе жатқан өнерлі ардагерлер бойларындағы талантты әлі күнге тыңдармандарына тарту етуде. Қай уақытта болмасын халқының құрметіне бөленіп, өңіріміздің мақтанышына айналған өнер майдангерлерінің шоқтығы бәрінен жоғары.
    Фариза ОМАРОВА