ТАБИҒАТ ҚОРҒАУШЫЛАР МАРАПАТТАЛДЫ
Орман шаруашылығы қызметкерлерінің күні қарсаңында аудан әкімінің орынбасары М.Оразбаев Арал орман және жануарлар дүниесін қорғау жөніндегі коммуналдық мемлекеттік мекемесінің атқарып жатқан жұмыстарымен танысты. Арал теңізі ұлтанына сексеуіл егудегі тынымсыз еңбектері жоғары бағаланды. Сондай-ақ, ол орман жанашырларын төл мерекелерімен құттықтап, ұзақ жылдардан бері абыройлы еңбек етіп келе жатқан Ғ.Смағұловты аудан әкімінің Құрмет грамотасымен, Қ.Якудаев пен А.Әнесованы аудан әкімінің Алғыс хатымен марапаттады. Сонымен қатар, Н.Маханов, С.Төлегенов, Р.Жакуповаға «Нұр Отан» партиясы Арал аудандық филиалының Алғыс хаттары тапсырылды
