МЮНХЕНДІКТЕР БЕЙМӘЛІМ ҰШАТЫН НЫСАНДЫ ТАСПАҒА ТҮСІРІП АЛДЫ
Осы жылдың 13 сәуірін мюнхендіктер біразға дейін ұмытпайтын болды. Бавар жеріндегі ежелгі қаланы мекен еткендердің біразы осы күні аспаннан ештеңеге ұқсамайтын әлдебір ұшатын нысанды байқайды. Базбіреулер бір сәттің ішінде сан құбылған беймәлім ұшқыш нысанды ұялы телефонға да түсіріп алған көрінеді.
Көп ұзамай әлеуметтік желілер осы оқиға туралы әңгімені қайта тірілтті. Аспанда ұшқан белгісіз нысанды әбден зерттегендер бұл жатжерліктердің кемесі болуы мүмкін деген пайымға табан тіреген көрінеді.
YouTube арнасы белгісіз нысан түсірілген осы таспаны жария етті. Онда көгілдір отпен көмкерілген кеме анық көрінеді. Қала аспанын бірнеше минут шарлаған ол көкте пайда болған тікбұрыш шашқан сәуле шеңберіне сіңіп көзден ғайып болады.
