Kyzylorda-News.kz

      Шардара су қоймасынан Сырдария өзеніне мол судың келуіне байланысты Сырдария өзенінде су көлемінің көбеюі уақытында кейбір аумақтарда су алу қауіпі төнуі мүмкін.  Егер сіздің тұрғын үйіңіз орналасқан аумақты су басу қауіпі бар екендігі анықталған жағдайда дереу жергілікті әкімшілікке немесе төтенше жағдайлар мекемесіне хабарласу қажет. Сіз тұратын тұрғын аудан су қауіпі бар аймақ саналатын болса алдын-ала дайындық жұмыстарын жүргізген жөн.

    азық-түлік, су, қажетті заттардың, дәрі-дәрмектердің және құтқару құралдарының қорын алдын ала қарастырыңыз;

    құжаттарды дайындаңыз, егер де жас балаларыңыз болса, оларға аты-жөні, туған жылы және мекен-жайы көрсетілген бирка жасаңыз;

    өздеріңізге жақын орналасқан қауіпті орынды және оған жететін қысқаша жолды белгілеңіз;

    хабарландыру дабылдарына, гидрометео мәліметтеріне назар аударыңыз;

    жергілікті атқарушы органдарынан көшіру-жиналу пунктінің мекен-жайын анықтап алыңыз.

    газ және электр қуаты көздерін сөндіріңіз, құнды заттарды қауіпсіз орынға көшіріңіз;

    электр энергиясының қосымша көздерін, алғашқы көмек көрсету құралдарын, су және азық-түлік қорын, радиоқабылдағыштарын өзіңізбен алып шығыңыз.

    егер уақытыңыз болса, үйіңізді (пәтеріңізді) қорғауға шаралар жасаңыз (есік- терезелерді мықтаңыз, жоғарғы қабаттарға, үйдің төбесіне, шатырларға үй заттарын, ауылшаруашылығы құралдарын, жем-шөпті қауіпсіз орындарға көшіріңіз);

    электр құралдары мен желілерді, газды судан қорғауға шаралар қолданыңыз;

    басқару органдарының қауіпсіз жерге көшіру туралы хабарландыруы мен ескертулерін мұқият орындаңыз;

    көшіру туралы хабарды алысымен міндетті түрде көшіру-жиналу пунктіне барыңыз;

    пәтерден (үйден) шығар алдында өздеріңізбен бірге қажетті құжаттарды, құнды заттар мен ақшаларыңызды, бірінші кезекте қажет болатын заттарды және 2-3 тәулікке жететін азық-түліктеріңізді алып шығыныз;

    қауіпсіз аймақтарға жіберу үшін, осы аудандарда орналасқан көшіру-жиналу пунктеріне барыңыз;

    үйдегі жануарларыңызды көшіру-жиналу пунктеріне айдап келіп, жауапты адамдарға тапсырыңыз, үй жануарлары да қауіпсіз аймаққа көшіріледі;

    көшіру жиналу пунктерінің әкімшілігінің барлық нұсқауларын орындаңыз.