ВЕЛОСПОРТШЫЛАР ҚЫЗЫЛОРДАДА ЖИНАЛАДЫ
26-30 сәуір аралығында Қызылордада велоспорттан қазақтан шыққан тұңғыш Әлем чемпионы, КСРО-ға еңбегі сіңген спорт шебері Марат Сатыбалдиевтің жүлдесі үшін жасөспірімдер арасында республикалық веложарыс өтеді.
Облыстық дене шынықтыру және спорт басқармасынан хабарлағандай, биыл жетінші мәрте ұйымдастырылатын жарыс 4 кезеңде өтеді. Жарыстың әр кезеңіндегі жеңімпаздар мен жүлдегерлер және «Ең белсенді шабандоз» номинация иегерлері диплом және естелік сыйлықтармен марапатталады.
