ҚҰҚЫҚ ҚОРҒАУ ОРГАНДАРЫ ҚҰРАМАЛАРЫ ВОЛЕЙБОЛ АЛАҢЫНДА ЖОЛДАСТЫҚ КЕЗДЕСУЛЕР ӨТКІЗДІ
2016 жылдың 27 наурызында Қызылорда облысы Ішкі істер департаментінің ұйымдастыруымен өткізіліп жатқан «Салауатты өмір салтын насихаттайық!» іс-шарасы аясында облыстағы күш құрылымдары мен құқық қорғау органдарының командалары арасында «Динамо» дене шынықтыру-спорт қоғамының спорт залында волейболдан жарыс өтті. Спорттық додаға 11 команда қатысты. Аталмаш жарыстың өзге жарыстардан басты ерекшілігі – алаңда команда мүшелерімен қатар департамент, әскери бөлім басшылары да ойын өрнегін көрсетті. Құқық қорғаушылардың арасындағы бірлікті, командалық қолдауды нығайтуды мақсат еткен бұл спорттық кездесу өте тартысты өтті.
Спорттық бәсекенің қорытындысы бойынша І орынды Қызылорда облысы Ішкі істер департаментінің ІІ құрама командасы иеленіп, жарыс жеңімпаздары атанды. ІІ орынды Қызылорда облысы және Байқоңыр қаласы бойынша ҰҚКД қанжығасына байласа, Қызылорда облысы Ішкі істер департаментінің І құрама командасы жарыстың қола жүлдегерлері атанды.
Сондай-ақ жарыс шеңберінде үздік ойыншы, үздік қорғаушы, үздік тосқауыл қоюшы, үздік шабуылшы аталымдары бойынша үздіктер анықталды. «Үздік ойыншы» номинациясына Қызылорда облысы Ішкі істер департаментінен Сейтасанов Нұрхан лайық деп танылса, «Үздік шабуылшы» аталымы бойынша Қызылорда облысы және Байқоңыр қаласы бойынша ҰҚКД-нің ойыншысы Рахат Қуаныш, «Үздік қорғаушы» аталымы бойынша Қызылорда облысы Ішкі істер департаментінен Әбілпейізов Әбдібек, «Үздік тосқауыл қоюшы» аталымы бойынша №2019 әскери бөлімі командасының ойыншысы Алибеков Нұрғали марапатталды. Жарыс соңында жеңімпаз командалар мен жүлдегерлер жарыс кубогымен, дипломдармен және бағалы сыйлықтармен марапатталды.
Қызылорда ОІІД баспасөз қызметі
Спорттық бәсекенің қорытындысы бойынша І орынды Қызылорда облысы Ішкі істер департаментінің ІІ құрама командасы иеленіп, жарыс жеңімпаздары атанды. ІІ орынды Қызылорда облысы және Байқоңыр қаласы бойынша ҰҚКД қанжығасына байласа, Қызылорда облысы Ішкі істер департаментінің І құрама командасы жарыстың қола жүлдегерлері атанды.
Сондай-ақ жарыс шеңберінде үздік ойыншы, үздік қорғаушы, үздік тосқауыл қоюшы, үздік шабуылшы аталымдары бойынша үздіктер анықталды. «Үздік ойыншы» номинациясына Қызылорда облысы Ішкі істер департаментінен Сейтасанов Нұрхан лайық деп танылса, «Үздік шабуылшы» аталымы бойынша Қызылорда облысы және Байқоңыр қаласы бойынша ҰҚКД-нің ойыншысы Рахат Қуаныш, «Үздік қорғаушы» аталымы бойынша Қызылорда облысы Ішкі істер департаментінен Әбілпейізов Әбдібек, «Үздік тосқауыл қоюшы» аталымы бойынша №2019 әскери бөлімі командасының ойыншысы Алибеков Нұрғали марапатталды. Жарыс соңында жеңімпаз командалар мен жүлдегерлер жарыс кубогымен, дипломдармен және бағалы сыйлықтармен марапатталды.
Қызылорда ОІІД баспасөз қызметі
