Kyzylorda-News.kz

 

    Қызылордада гандболдан әйелдер арасында ел чемпионатының соңғы 6-шы айналымы аяқталды. Үстіміздегі жылдың 24-29 желтоқсан аралығында Қызылорда қаласында гандболдан әйелдер арасында 23-ші Қазақстан чемпионатының соңғы айналымы өтті. Жарыс қорытындысы бойынша Алматы облысының «Іле» командасы бірінші орынды иеленді. Күміс медальды Қызылорда облысының «Сейхун-ҚАМ-ҚМУ» командасы еншілесе, қола медаль Алматы қаласының «Алматы» ГК командасына бұйырды.
    Айта кету керек, ел чемпионатына Алматы, Өскемен қалалары мен Алматы, Қызылорда облыстарының командалары қатысқан болатын. Жеңімпаздар мен жүлдегерлер диплом, медаль және естелік сыйлықтармен марапатталды.