АЙБЕК СЕРІКБАЕВТЫҢ ЖЕТІСТІГІ
Шығыс Қазақстан облысындағы Абай ауданында қазақ күресінен өткен ҚР Кубогында қармақшылық палуан Айбек Серікбаев «Еуразия Барысы» турниріне жолдама жеңіп алды.
Айбек 90 келіден жоғары салмақ дәрежесінде өткен күресте қарсыластарын жығып, сайыстың басты марапатына ие болды. Қармақшы спорт клубының 90 келіге дейінгі салмақ дәрежесінде күреске түскен тағы бір тәрбиеленушісі Мақсат Исақабылов қола жүлдесін қанағат тұтты.
Палуандардың еуразиялық сайысы қараша айында Тараз қаласында өтеді. Жамбыл өңірінде өтетін бәсекеде еліміздің әр өңірінен жиналған 240 палуан бақтарын сынамақшы.
Сайыс қорытындысымен Айбек Серікбаев Таразда өтетін күресте біздің өңіріміздің намысын қорғайтын болады. Ал Мақсат Ғалымжан Әбдірахмановпен (70 кг) бірге Орынбор қаласында өтетін әлем чемпионатына қатысуға құқылы болды.
Шынар БЕКБАН
Айбек 90 келіден жоғары салмақ дәрежесінде өткен күресте қарсыластарын жығып, сайыстың басты марапатына ие болды. Қармақшы спорт клубының 90 келіге дейінгі салмақ дәрежесінде күреске түскен тағы бір тәрбиеленушісі Мақсат Исақабылов қола жүлдесін қанағат тұтты.
Палуандардың еуразиялық сайысы қараша айында Тараз қаласында өтеді. Жамбыл өңірінде өтетін бәсекеде еліміздің әр өңірінен жиналған 240 палуан бақтарын сынамақшы.
Сайыс қорытындысымен Айбек Серікбаев Таразда өтетін күресте біздің өңіріміздің намысын қорғайтын болады. Ал Мақсат Ғалымжан Әбдірахмановпен (70 кг) бірге Орынбор қаласында өтетін әлем чемпионатына қатысуға құқылы болды.
Шынар БЕКБАН
