Kyzylorda-News.kz

 

    Бүгін, 4 қараша күні Қызылорда қаласындағы "Мұз айдыны" спорт кешенінде волейболдан 2000-2001 және 2002-2003 жылдары туылған қыздар арасында Қазақстан республикасының күзгі чемпионаты басталды, деп хабарлады облыстық дене шынықтыру және спорт басқармасының баспасөз қызметі.
    Оған республикамыздың облыс орталықтарынан, яғни 11 облыстан 22 команда, 200-ден аса спортшылар қатысып, өзара мықтыны анықтайды. Чемпионаттың салтанатты ашылуы сағат 16.00-де.
    Айта кетейік, аталмыш жарыс облыста бірінші мәрте ұйымдастырылуда. Ал ұлдар арасындағы ел чемпионаты Павлодарда болады. Жарыс 9 қараша күні аяқталады.