Kyzylorda-News.kz

 

    Қызылордада облыстық дене шынықтыру және спорт басқармасының ұйымдастыруымен Ж.Баһадүр атындағы облыстық спортта дарынды балаларға арналған мектеп-интернатта Аманбек Досмаилов бапкердің жүлдесі үшін 2002-2003 жылдардағы жасөспірімдер арасында ашық біріншілік өтті. Турнирге Сыр елінің «Ыбырайхан и К-ЛТД», «Тим Групп» және «Азия Даму ЛТД» сияқты Сыр елінің бірқатар белгілі мекемелері демеушілік етті.
    Жұдырықтасуға Қызылорда, Байқоңыр және барлық аудандардан 16 команда, яғни 147 спортшылар қатысты. Жас былғары қолғап иелері 19 салмақ дәрежесі бойынша сынға түсті. Ең жеңіл 30 келіден бастап, ауыл 70 келі салмақ дәрежесіне дейін жұдырықтасты.
    Әр түрліі салмақ дәрежесі бойынша Шиелі ауданынан Мирас Ақылбек, Олжас Рақымжан, аралдық Толқынбек Толғанбеков, Ерсұлтан Бексұлтанов, Рысбек Төребаев және Тәңірбек Әлібеков, Қазалы ауданынан Ғазиз Қани, Дәулет Әділбек, Ерсұлтан Бекділда, Бекзат Ізім жеңімпаз атанды. Ал қалған жеңімпаздар Батыржан Жарасбек, Икрам Маденов, Жансерік Әбдіқалық, Манас Жұбанов, Үмбет Сағынтаев, Санжар Әшімхан, Азамат Мақсұтбековтар облыстық балалар-жасөспірімдер спорт мектебі атынан шықты.
    Барлық жеңімпаздар мен жүлдегерлер арнайы дипломдармен, облыстық спорт медальдарымен, сондай-ақ демеушілер атынан спорттық киімдер алды.
    Шынар БЕКБАН