ҚЫЗЫЛОРДАДА БЫЛҒАРЫ ҚОЛҒАП ИЕЛЕРІНІҢ РЕСПУБЛИКАЛЫҚ ТУРНИРІ БАСТАЛДЫ
Бүгін «Еуразия» спорт кешенінде Қазақ хандығының 550 жылдығына арналған республикалық боксшылар турнирінің ашылу салтанаты болды. Турнирдің ұйымдастырушылары облыстық дене шынықтыру және спорт басқармасы мен облыстық бокс федерациясы, ал демеушісі – «Қор» ұлттық компаниясы.
Мұндай турнир елімізде алғаш рет ұйымдастырылып отыр. Күш сынасуға Астана, Алматы және еліміздің барлық облыстарынан 1994-1996 жылғы туылған 166 спортшылар келді. Сыр елінің намысын 12 спортшы қорғамақ.
Турнирдің салтанатты ашылуында Қызылорда облыстық дене шынықтыру және спорт басқармасының басшысы Садық Мұстафаев және республикалық бокс федерациясының үйлестірушісі, Пекинде өткен олимпиадалық ойындардың чемпионы Бақыт Сәрсекбаев сөз сөйлеп, спортшыларға сәттілік тіледі.
Айта кету керек, турнир 28 ақпанға дейін созылмақшы. Жеңімпаздар арнайы диплом және медальдармен, бағалы сыйлықтармен марапатталатын болады.
Бүгін сондай-ақ, турнир ашылуында 2014 жылдың қорытындысы бойынша әлем, Азия чемпионаттарында жеңімпаз және жүлдегер атанған облыс спортшылары облыс акімінің тағайындаған арнайы сыйақысымен марапатталды.
Шынар БЕКБАН
Мұндай турнир елімізде алғаш рет ұйымдастырылып отыр. Күш сынасуға Астана, Алматы және еліміздің барлық облыстарынан 1994-1996 жылғы туылған 166 спортшылар келді. Сыр елінің намысын 12 спортшы қорғамақ.
Турнирдің салтанатты ашылуында Қызылорда облыстық дене шынықтыру және спорт басқармасының басшысы Садық Мұстафаев және республикалық бокс федерациясының үйлестірушісі, Пекинде өткен олимпиадалық ойындардың чемпионы Бақыт Сәрсекбаев сөз сөйлеп, спортшыларға сәттілік тіледі.
Айта кету керек, турнир 28 ақпанға дейін созылмақшы. Жеңімпаздар арнайы диплом және медальдармен, бағалы сыйлықтармен марапатталатын болады.
Бүгін сондай-ақ, турнир ашылуында 2014 жылдың қорытындысы бойынша әлем, Азия чемпионаттарында жеңімпаз және жүлдегер атанған облыс спортшылары облыс акімінің тағайындаған арнайы сыйақысымен марапатталды.
Шынар БЕКБАН
