ДӘУЛЕТ - ӘЛЕМ ЧЕМПИОНАТЫНА ЖОЛДАМА АЛДЫ
Үстіміздегі жылдың 17-18 ақпан аралығында Алматы облысы, Талдықорған қаласында еркін күрестен ересектер арасында Қазақстан Республикасының чемпионаты аяқталды. Аталмыш чемпионатқа Қазақстанның ұлттық құрамасындағы көшбасшы спортшылар мен Қазақстанның барлық өңірінен мықты балуандар қатысты. Бұл дүбірлі бәсеке Американың Лас-Вегас қаласында болатын Әлем чемпионатына іріктеу ретінде маңызды жарыстардың деп те айтуға болады. ҚР Спартакиада бағдарламасы аясында өтіп жатқан жарыс қорытындысында еркін күрестен жерлесіміз Дәулет Ниязбеков 61 келі салмақ дәрежесінде алтын медальға ие болды. Ол бес кездесудің бесеуінде де қарсыластарынан басым түсіп, финалда Алматы облысының спортшысы Елдос Әбикеновті 5:0 есебімен жеңіп, бесінші мәрте ел чемпионы атанды.
Дәулет Ниязбеков: «Бұл менің ересектер арасында бесінші мәрте чемпиондық титулым. Шындығында елімізде күрескеннен гөрі халықаралық жарыстарда өнер көрсету – мен үшін жеңілірек. Алдымызда болатын Әлем чемпионатында мен соңғы рет 61 келі салмақта сынға түсемін. Әрі қарай олимпиадалық 65 келі салмаққа өтуді жоспарлап отырмын».
Дәулет Ниязбеков: «Бұл менің ересектер арасында бесінші мәрте чемпиондық титулым. Шындығында елімізде күрескеннен гөрі халықаралық жарыстарда өнер көрсету – мен үшін жеңілірек. Алдымызда болатын Әлем чемпионатында мен соңғы рет 61 келі салмақта сынға түсемін. Әрі қарай олимпиадалық 65 келі салмаққа өтуді жоспарлап отырмын».
Енді Дәулет биылғы жылы Американың Лас-Вегас қаласында болатын Әлем чемпионатына қатысуға дайындалу үшін Белоруссияға оқу-жаттығу жиынына барады.
Облыстық жоғары спорт шеберлігі мектебінде тәлім алатын Дәулеттің бапкері ҚР еңбек сіңірген жаттықтырушысы Әбутәліп Аманов.
Облыстық жоғары спорт шеберлігі мектебінде тәлім алатын Дәулеттің бапкері ҚР еңбек сіңірген жаттықтырушысы Әбутәліп Аманов.
