Kyzylorda-News.kz

 

    Орта салмақта WBA (Super), IBO және WBC (Interim) тұжырымдарындағы әлем чемпионы қазақстандық Геннадий Головкин мен 32 жастағы британиялық боксшы Мартин Мюррей жекпе-жектің алдындағы соңғы баспасөз мәслихатын өткізіп, бетпе-бет жүздесті, деп хабарлайды Bnews.kz.
    «Мен бұл кездесуге 100 пайыз дайынмын, керемет шоу болатынына сенімдімін. Дайындыққа аз уақыт кеткен жоқ, жанкүйерлерімнің көңілінен шығу үшін барымды саламын. Барлығыңызға рахмет, баршаңызды бокс кешінде күтемін», - деді Головкин.
    Ал Мюррей бір мұғжизаның боларына сенетінін жасырмады. «Головкин – керемет боксшы. Дегенмен, бүгінге дейін ешкімнен жеңіліп көрмеген боксшыны жеңетіндей боламын да тұрамын. Сондай бір сезімде жүрмін», - дейді британиялық боксшы.
    Естеріңізге саламыз, отандасымыз Геннадий Головкин Монте-Карлоға 17 ақпан күні келіп, кеше жаттығу жұмыстарын бастаған еді. Жекпе-жек сенбіден жексенбіге қараған түні Астана уақыты бойынша сағат 1:30-да басталады. Қазақстандықтар кездесуді «Қазақстан» ұлттық арнасынан тамашалай алады.