Kyzylorda-News.kz

 

    Арал ауданының ОРМБЖ сауықтыру кешенінде аудандық дене шынықтыру және спорт бөлімінің ұйымдастыруымен волейболдан жасөспірімдер арасында Асхат Ахановты еске алуға арналған қалааралық турнир өз мәресіне жетті. Осымен он төртінші мәрте ұйымдастырылған турнирге Қызылорда және Ақтөбе облыстарынан ер балалардан 10 команда, қыз балалардан 8 команда сынға түскен болатын. 3 күнге созылған жарыстың нәтижесі:
    Қыздар арасында 1 - орын №12 БЖСМ командасы Сырдария ауданы, Шаған ауылы, 2 - орын №19 ОРМБЖ мектебі Арал ауданы, 3 - орын Ырғыз ауданы командасы, ер балалар арасында 1 - орын Шиелі ауданы командасы, 2 - орын №19 ОРМБЖ мектебі командасы Арал ауданы, 3 - орын Жаңақорған ауданы командасы марапатталды. Турнир үздіктері үздік шабуылшы - Кеңесбаева Гүлсим (Сырдария ауданы, Шаған ауылы), үздік қорғаушы - Бертілеуова Ғаламнур (Арал ауданы), үздік байланыстырушы - Қуаныш Ақтоты (Ырғыз ауданы), ұлдар арасында үздік байланыстырушы - Жарқын Қанат ( Ырғыз ауданы), үздік ойыншы - Абилхайыр Ануар ( Байғанин ауданы), үздік қорғаушы - Мансур Нуридин ( Жаңақорған ауданы) лайық деп танылды.
    Турнирде жеңімпаз атанған командалар аудандық дене шынықтыру және спорт бөлімінің арнайы кубок және алғыс хаттарымен марапатталды.