Элизабет Тұрсынбаева Шанхайда күміс медаль иеленді
oldkaz.kyzylorda-news.kz. Элизабет Тұрсынбаева Қытайда өткен Shanghai Trophy турнирін күміс медальмен қорытындылады.

Биыл Әлем чемпионаты, Дүниежүзілік Универсиада және «Төрт құрлық біріншілігінде» күміс медальді мойнына ілген Элизабет Тұрсынбаеваның Шанхайдағы көрсеткіші көңілімізге қуаныш ұялатты. Себебі ол жарақатына байланысты алты айға жуық уақыт бойы мұз айдынына шыққан жоқ еді. Міне, ұзаққа созылған үзілістен соң қазақ аруы дүбірлі додада тағы да үздіктер қатарынан көрінді.