Қызылордалық мергендер Азия чемпионатынан жүлделі оралды
oldkaz.kyzylorda-news.kz. Алматы қаласында стенд атудан өткен Азия чемпионатында қызылордалық спортшылар ел қоржынына 3 медаль салды. Бұл туралы облыстық дене шынықтыру және спорт басқармасының баспасөз қызметі хабарлады.
«Дубль-трап бағдарламасы бойынша Максим Коломоец күміс, Екатерина Ким мен Илья Пеньков қола жүлделерге қол жеткізді. Спортшылар қазан айында Шымкент қаласында өтетін халықаралық турнирге жəне ҚР кубогының финалына қатысады», - делінген хабарламада.
Айта кетейік, Максим Коломоец қараша айында Дохада (Катар) өтетін лицензиялық Азия чемпионатында бағын сынайды.
