Бокстан әлем чемпионатында қызылордалық Қамшыбек Қоңқабаев та жартылай финалға шықты
oldkaz.kyzylorda-news.kz. Ресейдің Екатеринбург қаласында өтіп жатқан бокстан әлем чемпионатында жерлесіміз Қамшыбек Қоңқабаев жартылай финалға шықты.
Қамшыбек Қоңқабаев 91 келіден жоғары салмақта Нелви Тифакпен шеберлік байқасып, оны айқын басымдықпен жеңді.Қамшыбек биылғы әлем чемпионатында бұған дейін бір ғана жекпе-жек өткізді. Жарыстың 1/8 финалында ол испаниялық Аюб Гадфадан басым түсті.
Айта кетейік, осы чемпионатта тағы бір қызылордалық жерлесіміз Тұрсынбай Құлахмет те 75 келіге дейінгі салмақ дәрежесі бойынша ширек финалда армениялық Арман Дарчинянды 5:0 есебімен жеңіп, жартылай финалға шыққан болатын.
