Жаңақорғанда белбеу күресінен Қазақстан чемпионаты өтеді
oldkaz.kyzylorda-news.kz. 24-25 тамыз күндері Жаңақорған ауданында Жастар жылына орай 1999-2000 жылы туылған жастар арасында белбеу күресінен Қазақстан Республикасының чемпионаты өтеді.
Дүбірлі бəсекеге еліміздің облыстарынан 200-ге жуық спортшы 14 салмақ дəрежесі бойынша өзара мықтыны анықтайды.Жарыс нəтижесінде қараша айында Қазан (Ресей) қаласында өтетін Əлем чемпионатына спортшылар іріктеледі. Сондай-ақ, Қазақстан жеңімпазы атанған спортшыға Қазақстан Республикасының спорт шебері атағы беріледі.
Қызылорда облысының намысын 23 спортшы (16 ұл, 7 қыз) қорғайды.
Жарысты еліміздің Мəдениет жəне спорт министрлігі, Қызылорда облысының дене шынықтыру жəне спорт басқармасы, Жаңақорған ауданы əкімдігі, облыстық белбеу күресі федерациясы бірлесіп ұйымдастырып жатыр.
24 тамыз күні сағат 9.00-де жарыс басталса, 12.00-де салтанатты ашылуы өтеді.
Ал, 25 тамыз күні сағат 10.00-де ақтық сайысты тамашалай аласыздар.
