Қызылордалық 10 жасар теннисші Қазақстан чемпионы атанды
oldkaz.kyzylorda-news.kz. Алматы қаласында теннистен 10 жасқа дейін жасөспірім ұлдар мен қыздар арасында өткен ҚР-ның чемпионатында қызылордалық Зауырбек Амангелді 2 медаль иеленді. Бұл туралы облыстық спорт және дене шынықтыру басқармасының баспасөз қызметі хабарлады.
Биылғы жылы республикалық турнирлердің жүлдегері болған теннисші ел чемпионатында микст ерекшелігі бойынша алтын медаль жеңіп алса, жекелей есепте күміс жүлдеге ие болды.З.Амангелді 2009 жылы Қызылорда қаласында дүниеге келген. 6 жасынан бастап тенниспен шұғылданады. Теннистен республикалық, халықаралық жарыстардың жеңімпазы жəне жүлдегері атанған.
"Нұрсəт" теннис орталығында тəлім алатын Зауырбекті жарысқа жаттықтырушылары Ерлан Өмірзақов пен Нұрлан Жұрымбетов дайындады.
